| Cicero, pro Milone (XML Header) [genre: prose] [word count] [Cic. Mil.]. | ||
| <<Cic. Mil. 68 | Cic. Mil. 70 (English) | >>Cic. Mil. 73 |
69vides quam sit varia vitae
commutabilisque ratio , quam vaga volubilisque fortuna ,
quantae infidelitates in amicitiis [Note], quam ad tempus aptae simulationes ,
quantae in periculis fugae proximorum , quantae
timiditates . erit erit [Note] illud profecto tempus et inlucescet
ille aliquando [Note] dies , cum tu salvis [Note], ut spero , rebus tuis , sed
fortasse <in > [Note] motu [Note] aliquo communium [Note] temporum , qui quam [Note]
crebro accidat experti scire debemus , et amicissimi benevolentiam
et gravissimi hominis fidem et unius post homines
natos fortissimi viri magnitudinem animi desideres .
70quamquam quis hoc credat , Cn . Pompeium iuris publici , moris
maiorum , rei denique publicae peritissimum , cum senatus
ei commiserit ut videret ne quid res publica detrimenti
caperet , quo uno versiculo satis armati semper consules fuerunt
etiam nullis armis datis , hunc exercitu , hunc dilectu
dato , iudicium exspectaturum fuisse in eius consiliis vindicandis
qui vi [Note] iudicia ipsa tolleret ? satis iudicatum est a
Pompeio satis [Note], falso ista conferri in Milonem qui legem
tulit qua , ut ego sentio , Milonem absolvi a vobis oporteret [Note],
ut omnes confitentur , liceret [Note].
71quod vero in illo loco atque
illis publicorum praesidiorum copiis circumfusus sedet , satis
declarat se non terrorem inferre vobis —quid enim minus
illo dignum quam cogere ut vos eum [Note] condemnetis in quem
animadvertere ipse et more maiorum et suo iure possit [Note]?—,
sed praesidio esse , ut intellegatis contra hesternam illam
contionem licere vobis quod sentiatis libere iudicare .
ch. 27
| Cicero, pro Milone (XML Header) [genre: prose] [word count] [Cic. Mil.]. | ||
| <<Cic. Mil. 68 | Cic. Mil. 70 (English) | >>Cic. Mil. 73 |
