Cicero, pro Archia (XML Header) [genre: prose] [word count] [Cic. Arch.].
<<Cic. Arch. 1 Cic. Arch. 4 (English) >>Cic. Arch. 6

Click a word to see morphological information.
3sed ne cui vestrum mirum esse videatur, me in quaestione legitima et in iudicio publico, cum res agatur [Note] apud praetorem populi Romani, lectissimum [Note] virum, et apud severissimos iudices, tanto conventu hominum ac frequentia hoc uti genere dicendi quod non modo a consuetudine iudiciorum verum etiam a forensi sermone abhorreat, quaeso a vobis ut in hac [Note] causa mihi detis hanc veniam accommodatam huic reo, vobis, quem ad modum spero, non molestam, ut me pro summo poeta atque eruditissimo homine dicentem hoc concursu hominum litteratissimorum, hac vestra humanitate, hoc denique praetore exercente iudicium, patiamini de studiis humanitatis ac litterarum paulo loqui liberius, et in eius modi persona quae propter otium ac studium minime in iudiciis periculisque tractata est uti prope novo quodam et inusitato genere dicendi.

4quod si mihi [Note] a vobis tribui concedique sentiam, perficiam profecto ut hunc A. Licinium non modo non segregandum, cum sit civis, a numero civium verum etiam, si non esset, putetis asciscendum fuisse.

ch. 3

nam ut primum ex pueris excessit Archias atque ab eis [Note] artibus quibus aetas puerilis ad humanitatem informari solet, se ad scribendi studium contulit, primum Antiochiaenam ibi natus est loco nobilicelebri quondam urbe [Note] et copiosa atque eruditissimis hominibus liberalissimisque studiis adfluenti, celeriter antecellere omnibus ingeni gloria coepit [Note]. post in ceteris Asiae partibus cunctaque Graecia [Note] sic eius adventus celebrabantur [Note] ut famam ingeni exspectatio hominis, exspectationem ipsius adventus admiratioque [Note] superaret.



Cicero, pro Archia (XML Header) [genre: prose] [word count] [Cic. Arch.].
<<Cic. Arch. 1 Cic. Arch. 4 (English) >>Cic. Arch. 6

Powered by PhiloLogic