Cicero, pro Archia (XML Header) [genre: prose] [word count] [Cic. Arch.].
<<Cic. Arch. 27 Cic. Arch. 30 (English) >>Cic. Arch. 32

Click a word to see morphological information.
29certe, si nihil animus praesentiret in posterum, et si, quibus regionibus vitae spatium circumscriptum est [Note], isdem omnis cogitationes terminaret suas, nec tantis se laboribus frangeret neque tot curis vigiliisque angeretur nec totiens de ipsa vita dimicaret. nunc insidet quaedam in optimo quoque virtus, quae noctes ac dies animum gloriae stimulis concitat atque admonet non cum vitae tempore esse dimittendam [Note] commemorationem nominis nostri, sed cum omni posteritate adaequandam.

ch. 12

30an vero tam parvi [Note] animi videamur esse [Note] omnes qui in re publica atque in his vitae periculis laboribusque versamur ut, cum usque ad extremum spatium nullum tranquillum atque otiosum spiritum duxerimus, nobiscum simul moritura omnia arbitremur? an [Note] statuas et imagines, non animorum simulacra, sed corporum, studiose multi summi homines reliquerunt [Note]; consiliorum relinquere ac virtutum nostrarum effigiem nonne [Note] multo malle debemus summis ingeniis expressam et politam? ego vero omnia quae gerebam iam tum in gerendo spargere me ac disseminare arbitrabar in orbis terrae memoriam sempiternam. haec vero sive [Note] a meo sensu post mortem afutura [Note] est [Note], sive, ut sapientissimi homines putaverunt, ad aliquam animi [Note] mei partem pertinebit [Note], nunc quidem certe cogitatione quadam speque delector.

31

qua re conservate, iudices, hominem pudore eo quem amicorum videtis comprobari cum dignitate, tum etiam vetustate [Note], ingenio autem tanto quantum [Note] id convenit existimari, quod summorum hominum iudiciis [Note] expetitum esse videatis, causa vero eius [Note] modi quae beneficio legis, auctoritate municipi, testimonio Luculli, tabulis Metelli comprobetur. quae cum ita sint, petimus [Note] a vobis, iudices, si qua non modo humana verum etiam divina in tantis ingeniis [Note] commendatio debet esse, ut eum qui vos, qui vestros imperatores, qui populi Romani [Note] res gestas semper ornavit, qui etiam his recentibus nostris vestrisque domesticis periculis aeternum se testimonium laudis [Note] daturum esse profitetur, quique est <ex> [Note] eo numero qui semper apud omnis sancti sunt habiti itaque [Note] dicti, sic in vestram accipiatis fidem ut humanitate vestra levatus potius quam acerbitate violatus esse videatur.



Cicero, pro Archia (XML Header) [genre: prose] [word count] [Cic. Arch.].
<<Cic. Arch. 27 Cic. Arch. 30 (English) >>Cic. Arch. 32

Powered by PhiloLogic