Cicero, pro Archia (XML Header) [genre: prose] [word count] [Cic. Arch.].
<<Cic. Arch. 20 Cic. Arch. 22 (English) >>Cic. Arch. 24

Click a word to see morphological information.
21Mithridaticum vero bellum magnum atque difficile et in multa varietate terra marique [Note] versatum totum ab hoc expressum est; qui libri non modo L. Lucullum, fortissimum et clarissimum virum, verum etiam populi Romani nomen inlustrant. populus enim Romanus aperuit Lucullo imperante Pontum et regiis quondam opibus et ipsa natura et [Note] regione [Note] vallatum, populi Romani exercitus eodem duce non maxima manu innumerabilis Armeniorum copias fudit, populi Romani laus est urbem amicissimam Cyzicenorum eiusdem consilio ex omni impetu regio atque [Note] totius belli ore ac faucibus ereptam esse atque servatam; nostra semper feretur et praedicabitur L. Lucullo dimicante, cum interfectis ducibus depressa hostium classis est [Note], incredibilis apud Tenedum pugna illa navalis, nostra sunt tropaea, nostra monumenta, nostri triumphi. quae [Note] quorum ingeniis efferuntur [Note], ab eis populi Romani fama celebratur.

22carus fuit Africano superiori noster Ennius, itaque etiam in sepulcro Scipionum putatur is esse constitutus ex marmore. at eis [Note] laudibus certe non solum ipse qui laudatur [Note] sed etiam populi Romani nomen ornatur. in caelum huius proavus Cato tollitur; magnus honos populi Romani rebus adiungitur. omnes denique illi maximi, Marcelli, Fulvii non sine communi omnium nostrum laude decorantur.

ch. 10ergo illum qui haec fecerat, Rudinum [Note] hominem, maiores nostri in civitatem receperunt; nos hunc Heracliensem multis [Note] civitatibus expetitum, in hac autem legibus constitutum de nostra civitate eiciamus [Note]?



Cicero, pro Archia (XML Header) [genre: prose] [word count] [Cic. Arch.].
<<Cic. Arch. 20 Cic. Arch. 22 (English) >>Cic. Arch. 24

Powered by PhiloLogic