Cicero, pro Archia (XML Header) [genre: prose] [word count] [Cic. Arch.].
<<Cic. Arch. 17 Cic. Arch. 19 (English) >>Cic. Arch. 21

Click a word to see morphological information.
18quotiens ego hunc Archiam vidi, iudices,—utar enim vestra benignitate, quoniam me in hoc novo genere dicendi tam diligenter attenditisquotiens ego hunc vidi, cum litteram scripsisset nullam, magnum numerum optimorum versuum de eis [Note] ipsis rebus quae tum agerentur [Note] dicere ex tempore, quotiens [Note] revocatum eandem rem dicere commutatis verbis atque sententiis! quae vero accurate cogitateque scripsisset, ea sic vidi probari ut ad veterum scriptorum laudem perveniret [Note]. hunc ego non diligam, non admirer, non omni ratione defendendum putem? atque [Note] sic a summis hominibus eruditissimisque accepimus, ceterarum rerum studia ex [Note] doctrina et praeceptis et arte constare, poetam natura ipsa valere et mentis viribus excitari et quasi divino quodam spiritu inflari [Note]. qua re suo iure noster ille Ennius 'sanctos' appellat poetas, quod quasi deorum aliquo dono atque munere commendati [Note] nobis esse videantur [Note].

19sit igitur, iudices, sanctum apud vos, humanissimos homines, hoc poetae nomen quod nulla umquam barbaria violavit. Saxa atque [Note] solitudines voci [Note] respondent, bestiae saepe immanes cantu flectuntur atque consistunt; nos instituti rebus optimis non poetarum voce moveamur? Homerum Colophonii civem esse dicunt suum, Chii suum [Note] vindicant, Salaminii repetunt, Smyrnaei vero suum esse confirmant itaque etiam delubrum eius [Note] in oppido dedicaverunt, permulti alii praeterea pugnant inter se atque contendunt.

ch. 9ergo illi alienum, quia poeta fuit, post mortem etiam expetunt; nos hunc vivum qui et [Note] voluntate et legibus noster est repudiamus [Note], praesertim cum omne olim studium atque omne ingenium contulerit Archias ad populi Romani gloriam laudemque celebrandam? nam et Cimbricas res adulescens attigit et ipsi illi C. Mario qui durior ad haec studia videbatur iucundus fuit.



Cicero, pro Archia (XML Header) [genre: prose] [word count] [Cic. Arch.].
<<Cic. Arch. 17 Cic. Arch. 19 (English) >>Cic. Arch. 21

Powered by PhiloLogic