Cicero, pro Archia (XML Header) [genre: prose] [word count] [Cic. Arch.].
<<Cic. Arch. 10 Cic. Arch. 12 (English) >>Cic. Arch. 14

Click a word to see morphological information.
11census nostros requiris. scilicet [Note]; est [Note] enim obscurum proximis censoribus hunc cum clarissimo imperatore L. Lucullo apud exercitum fuisse, superioribus cum eodem quaestore fuisse in Asia, primis Iulio et Crasso nullam populi partem esse censam [Note]. sed, quoniam census non ius civitatis confirmat ac tantum modo indicat eum qui sit census ita se iam tum gessisse, pro cive [Note], eis [Note] temporibus <is> quem [Note] tu criminaris ne ipsius quidem iudicio in civium Romanorum iure esse versatum et testamentum saepe fecit nostris legibus, et adiit hereditates civium Romanorum, et in beneficiis ad aerarium delatus est a L. Lucullo pro consule [Note].

ch. 6quaere argumenta, si quae [Note] potes; numquam enim hic [Note] neque suo neque amicorum iudicio revincetur [Note].

12

quaeres [Note] a nobis, Gratti [Note], cur tanto opere [Note] hoc homine [Note] delectemur. quia suppeditat nobis ubi et animus ex [Note] hoc forensi strepitu reficiatur et aures convicio defessae conquiescant. an tu existimas aut suppetere nobis posse quod cotidie dicamus in tanta varietate rerum, nisi animos nostros doctrina excolamus, aut ferre animos tantam posse contentionem, nisi eos doctrina eadem relaxemus? ego vero fateor me his studiis esse deditum. ceteros pudeat, si qui ita se [Note] litteris abdiderunt ut nihil possint ex eis [Note] neque ad communem adferre fructum neque in aspectum lucemque proferre; me autem quid pudeat qui tot annos ita vivo, iudices, ut a nullius umquam me tempore aut commodo aut otium meum abstraxerit aut voluptas avocarit [Note] aut denique somnus retardarit?



Cicero, pro Archia (XML Header) [genre: prose] [word count] [Cic. Arch.].
<<Cic. Arch. 10 Cic. Arch. 12 (English) >>Cic. Arch. 14

Powered by PhiloLogic