Aristotle, Poetics (XML Header) [genre: prose] [word count] [Arist. Poet.].
<<Arist. Poet. 1462a Arist. Poet. 1462b (English) >>Arist. Poet. 1462b

1462b.1ἔτι τῷ ἐν ἐλάττονι μήκει τὸ τέλος τῆς μιμήσεως εἶναι (τὸ γὰρ ἀθροώτερον ἥδιον πολλῷ κεκραμένον τῷ χρόνῳ, λέγω δ’ οἷον εἴ τις τὸν Οἰδίπουν θείη τὸν Σοφοκλέους ἐν ἔπεσιν ὅσοις Ἰλιάςἔτι ἧττον μία μίμησις τῶν ἐποποιῶν (σημεῖον δέ, ἐκ γὰρ ὁποιασοῦν 1462b.5μιμήσεως πλείους τραγῳδίαι γίνονται), ὥστε ἐὰν μὲν ἕνα μῦθον ποιῶσιν, βραχέως δεικνύμενον μύουρον φαίνεσθαι, ἀκολουθοῦντα τῷ τοῦ μέτρου μήκει ὑδαρῆ·

λέγω δὲ οἷον ἐὰν ἐκ πλειόνων πράξεων συγκειμένη, ὥσπερ Ἰλιὰς ἔχει πολλὰ τοιαῦτα μέρη καὶ Ὀδύσσεια <> καὶ καθ’ ἑαυτὰ 1462b.10ἔχει μέγεθος· καίτοι ταῦτα τὰ ποιήματα συνέστηκεν ὡς ἐνδέχεται ἄριστα καὶ ὅτι μάλιστα μιᾶς πράξεως μίμησις. εἰ οὖν τούτοις τε διαφέρει πᾶσιν καὶ ἔτι τῷ τῆς τέχνης ἔργῳ (δεῖ γὰρ οὐ τὴν τυχοῦσαν ἡδονὴν ποιεῖν αὐτὰς ἀλλὰ τὴν εἰρημένην), φανερὸν ὅτι κρείττων ἂν εἴη μᾶλλον τοῦ 1462b.15τέλους τυγχάνουσα τῆς ἐποποιίας.

περὶ μὲν οὖν τραγῳδίας καὶ ἐποποιίας, καὶ αὐτῶν καὶ τῶν εἰδῶν καὶ τῶν μερῶν, καὶ πόσα καὶ τί διαφέρει, καὶ τοῦ εὖ μὴ τίνες αἰτίαι, καὶ περὶ ἐπιτιμήσεων καὶ λύσεων, εἰρήσθω τοσαῦτα. . . .



Aristotle, Poetics (XML Header) [genre: prose] [word count] [Arist. Poet.].
<<Arist. Poet. 1462a Arist. Poet. 1462b (English) >>Arist. Poet. 1462b

Powered by PhiloLogic