Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 2.156 Aeschin. 2.159 (English) >>Aeschin. 2.163

2.158

οὐκοῦν εἰ ὑμεῖς αὐτῷ ἐπιστεύσατε, Ἀριστοφάνης μου συγκατεψεύσατο, ἐπ’ αἰσχραῖς αἰτίαις ἀπωλόμην ἄν. [Note] ἐάσετε οὖν τὸ τοιοῦτον αὑτοῦ [Note] προστρόπαιον, μὴ γὰρ δὴ τῆς πόλεώς γε, ἐν [Note] ὑμῖν ἀναστρέφεσθαι; καὶ τὴν μὲν ἐκκλησίαν καθαίρετε, ἐν δὲ τοῖς ψηφίσμασι διὰ τούτου τὰς εὐχὰς ποιήσεσθε, καὶ στρατιὰν πεζὴν ναυτικὴν ἐκπέμψετε; καὶ μὴν γε Ἡσίοδος λέγει, πολλάκι τοι ξύμπασα πόλις κακοῦ ἀνδρὸς ἀπηύρα,
ὅς κεν ἀλιτραίνῃ καὶ ἀτάσθαλα μηχανάαται.
Hes. WD 240-241

2.159

ἓν δὲ πρὸς τοῖς εἰρημένοις εἰπεῖν ἔτι βούλομαι. εἰ γάρ πού τις ἔστι κακία κατ’ ἀνθρώπους, ἂν μὴ πρωτεύοντα περὶ ταύτην ἀποδείξω Δημοσθένην, θανάτου τιμῶμαι. ἀλλ’ οἶμαι πολλὰ καὶ χαλεπὰ παρακολουθεῖ τῷ κρινομένῳ, καὶ μετακαλεῖ τὴν ψυχὴν ἀπὸ τῆς ὀργῆς κίνδυνος ἐπὶ τοὺς ὑπὲρ τῆς σωτηρίας λόγους, καὶ διαλογισμὸν παρίστησι, μή τι παραλίπῃ τῶν κατηγορημένων. ὥστε ἅμα μὲν ὑμᾶς, ἅμα δὲ ἐμαυτὸν εἰς ἀνάμνησιν τῶν κατηγορημένων ἀγαγεῖν βούλομαι.

2.160

σκοπεῖτε γὰρ δὴ καθ’ ἕκαστον, ἄνδρες Ἀθηναῖοι, ποῖον ἐγὼ ψήφισμα γράψας κρίνομαι, ποῖον νόμον λύσας, ποῖον γενέσθαι κωλύσας, τίνας ὑπὲρ τῆς πόλεως συνθήκας ποιησάμενος, τί τῶν δεδογμένων περὶ τῆς εἰρήνης ἀπαλείψας, τί τῶν μὴ δοξάντων ὑμῖν προσγράψας.

2.161

οὐκ ἤρεσκέ τισι τῶν ῥητόρων εἰρήνη· ἔπειτα οὐ τότε ἀντιλέγειν αὐτοὺς ἐχρῆν, ἀλλὰ μὴ νῦν ἐμὲ κρίνειν; ἐπλούτουν τινὲς ἐκ τοῦ πολέμου, ἀπὸ τῶν ὑμετέρων εἰσφορῶν καὶ τῶν δημοσίων προσόδων, νῦν δὲ πέπαυνται· εἰρήνη γὰρ ἀργίαν οὐ τρέφει· ἔπειτα οἱ μὲν οὐκ ἀδικούμενοι, ἀλλ’ ἀδικοῦντες τὴν πόλιν, τιμωρήσονται τὸν προστάντα τῆς εἰρήνης, οἱ ὠφελούμενοι τοὺς χρησίμους εἰς τὰ κοινὰ γενομένους [Note] ἐγκαταλείψετε;



Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 2.156 Aeschin. 2.159 (English) >>Aeschin. 2.163

Powered by PhiloLogic