Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.95 Aeschin. 1.98 (English) >>Aeschin. 1.101

1.97

τούτῳ γὰρ κατέλιπεν πατὴρ οὐσίαν, ἀφ’ ἧς ἕτερος μὲν κἂν [Note] ἐλῃτούργει, οὗτος δὲ οὐδ’ αὑτῷ διαφυλάξαι ἐδυνήθη· οἰκίαν μὲν ὄπισθεν τῆς πόλεως, ἐσχατιὰν δὲ Σφηττοῖ, Ἀλωπεκῆσι δ’ ἕτερον χωρίον, χωρὶς δὲ οἰκέτας δημιουργοὺς τῆς σκυτοτομικῆς τέχνης ἐννέα δέκα, ὧν ἕκαστος τούτῳ δύ’ ὀβολοὺς ἀποφορὰν ἔφερε τῆς ἡμέρας, δ’ ἡγεμὼν τοῦ ἐργαστηρίου τριώβολον· ἔτι δὲ πρὸς τούτοις γυναῖκα ἀμόργινα ἐπισταμένην ἐργάζεσθαι καὶ ἔργα λεπτὰ εἰς τὴν ἀγορὰν ἐκφέρουσαν, καὶ ἄνδρα ποικιλτήν, καὶ ὀφείλοντάς τινας αὐτῷ ἀργύριον, καὶ ἔπιπλα.

1.98

καὶ ὅτι ταῦτ’ ἀληθῆ λέγω, ἐνταῦθα μέντοι νὴ Δία σαφῶς πάνυ καὶ διαρρήδην ἐγὼ μαρτυροῦντας ὑμῖν τοὺς μάρτυρας παρέξομαι· οὐδεὶς γὰρ κίνδυνος, ὥσπερ ἐκεῖ, οὐδ’ αἰσχύνη πρόσεστιν οὐδεμία τῷ τἀληθῆ μαρτυροῦντι. τὴν μὲν γὰρ οἰκίαν τὴν ἐν ἄστει ἀπέδοθ’ οὗτος Ναυσικράτει τῷ κωμικῷ ποιητῇ, ὕστερον δ’ αὐτὴν ἐπρίατο παρὰ τοῦ Ναυσικράτους εἴκοσι μνῶν Κλεαίνετος χοροδιδάσκαλος· τὴν δ’ ἐσχατιὰν ἐπρίατο παρ’ αὐτοῦ Μνησίθεος Μυρρινούσιος, τόπον μὲν πολύν, δεινῶς δ’ ἐξηγριωμένον ὑπὸ τούτου·

1.99

τὸ δ’ Ἀλωπεκῆσι χωρίον, ἦν ἄπωθεν τοῦ τείχους ἕνδεκα δώδεκα στάδια, ἱκετευούσης καὶ ἀντιβολούσης τῆς μητρός, ὡς ἐγὼ πυνθάνομαι, ἐᾶσαι καὶ μὴ ἀποδόσθαι, ἀλλ’ εἰ μή τι ἄλλο, ἐνταφῆναί γ’ [Note] ὑπολιπεῖν αὑτῇ, οὐδὲ τούτου τοῦ χωρίου ἀπέσχετο, ἀλλὰ καὶ τοῦτ’ ἀπέδοτο δισχιλίων δραχμῶν. καὶ τῶν θεραπαινῶν καὶ τῶν οἰκετῶν οὐδένα κατέλιπεν, ἀλλ’ ἅπαντας πέπρακε. καὶ ταῦθ’ ὅτι οὐ ψεύδομαι, ἐγὼ μέν, ὡς κατέλιπεν αὐτῷ πατήρ, μαρτυρίας παρέξομαι, οὗτος δέ, εἰ μή φησι πεπρακέναι, τὰ σώματα τῶν οἰκετῶν ἐμφανῆ παρασχέτω.



Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.95 Aeschin. 1.98 (English) >>Aeschin. 1.101

Powered by PhiloLogic