Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.75 Aeschin. 1.79 (English) >>Aeschin. 1.82

1.77

θεωρήσατε δέ, εἰ βούλεσθε, τὸ πρᾶγμα καὶ ἐκ πολιτικῶν τινων παραδειγμάτων, καὶ μάλιστα ἐκ τούτων νυνὶ μετὰ χεῖρας ἔχετε. γεγόνασι διαψηφίσεις ἐν τοῖς δήμοις, καὶ ἕκαστος ἡμῶν ψῆφον δέδωκε περὶ τοῦ σώματος, ὅστις Ἀθηναῖος ὄντως ἐστὶ καὶ ὅστις μή. καὶ ἔγωγε, ἐπειδὰν προσστῶ πρὸς τὸ δικαστήριον καὶ ἀκροάσωμαι τῶν ἀγωνιζομένων, ὁρῶ ὅτι ἀεὶ τὸ αὐτὸ παρ’ ὑμῖν ἰσχύει. ἐπειδὰν γὰρ εἴπῃ κατήγορος· “ἄνδρες δικασταί,

1.78

τουτουὶ κατεψηφίσαντο οἱ δημόται ὀμόσαντες, οὐδενὸς ἀνθρώπων οὔτε κατηγορήσαντος οὔτε καταμαρτυρήσαντος, ἀλλ’ αὐτοὶ συνειδότες,” εὐθὺς θορυβεῖτε ὑμεῖς ὡς οὐ μετὸν τῷ κρινομένῳ τῆς πόλεως· οὐδὲν γὰρ οἶμαι δοκεῖ προσδεῖσθαι ὑμῖν λόγου οὐδὲ μαρτυρίας, ὅσα τις σαφῶς οἶδεν αὐτός.

1.79

φέρε δὴ πρὸς τοῦ Διός, εἰ, ὥσπερ περὶ τοῦ γένους, οὕτω καὶ περὶ τοῦ ἐπιτηδεύματος τούτου ἐδέησε δοῦναι ψῆφον Τίμαρχον, εἴτ’ ἔνοχός ἐστιν εἴτε μή, ἐκρίνετο δὲ τὸ πρᾶγμα ἐν τῷ δικαστηρίῳ, εἰσήγετο δ’ εἰς ὑμᾶς ὥσπερ νυνί, μὴ ἐξῆν δ’ ἐκ τοῦ νόμου τοῦ ψηφίσματος μήτε ἐμοὶ κατηγορεῖν μήτε τούτῳ ἀπολογεῖσθαι, δὲ κῆρυξ οὑτοσὶ νυνὶ παρεστηκὼς ἐμοὶ ἐπηρώτα ὑμᾶς τὸ ἐκ τοῦ νόμου κήρυγμα· “τῶν ψήφων τετρυπημένη, ὅτῳ δοκεῖ πεπορνεῦσθαι Τίμαρχος, δὲ πλήρης, ὅτῳ μή,” τί ἂν ἐψηφίσασθε; ἀκριβῶς οἶδ’ ὅτι κατέγνωτ’ ἂν αὐτοῦ.

1.80

εἰ δή τις με ἔροιτο ὑμῶν· “σὺ δὲ τί οἶσθα, εἰ ἡμεῖς ἂν τούτου κατεψηφισάμεθα;” εἴποιμ’ ἄν· “διότι πεπαρρησίασθέ [Note] μοι καὶ διείλεχθε.” καὶ ὁπότε καὶ ὅπου ἕκαστος, ἐγὼ ὑμᾶς ὑπομνήσω· ὅταν οὗτος [Note] ἀναβῇ ἐπὶ τὸ βῆμα· [Note] καὶ βουλή, ὅτε ἐβούλευε [Note] πέρυσιν. εἰ γὰρ μνησθείη [Note] τειχῶν ἐπισκευῆς πύργου, ὡς ἀπήγετό ποι [Note] τις, εὐθὺς ἐβοᾶτε καὶ ἐγελᾶτε, καὶ αὐτοὶ ἐλέγετε τὴν ἐπωνυμίαν τῶν ἔργων ὧν σύνιστε αὐτῷ.



Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.75 Aeschin. 1.79 (English) >>Aeschin. 1.82

Powered by PhiloLogic