Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.42 Aeschin. 1.45 (English) >>Aeschin. 1.48

1.44

καὶ ταῦθ’ ὅτι ἀληθῆ λέγω, πάντες, ὅσοι κατ’ ἐκείνους τοὺς χρόνους ἐγίγνωσκον Μισγόλαν καὶ Τίμαρχον, ἴσασιν. δὴ καὶ πάνυ χαίρω, ὅτι μοι γέγονεν δίκη πρὸς ἄνθρωπον οὐκ ἠγνοημένον ὑφ’ ὑμῶν, οὐδ’ ἀπ’ ἄλλου γιγνωσκόμενον οὐδενός, ἀπ’ αὐτοῦ τοῦ ἐπιτηδεύματος περὶ οὗ καὶ τὴν ψῆφον μέλλετε φέρειν. περὶ μὲν γὰρ τῶν ἀγνοουμένων σαφεῖς ἴσως προσήκει τὰς ἀποδείξεις ποιεῖσθαι τὸν κατήγορον, περὶ δὲ τῶν ὁμολογουμένων οὐ λίαν ἔγωγε μέγα ἔργον εἶναι νομίζω τὸ κατηγορεῖν· ἀναμνῆσαι γὰρ μόνον προσήκει τοὺς ἀκούοντας.

1.45

ἐγὼ τοίνυν καίπερ ὁμολογουμένου τοῦ πράγματος, ἐπειδὴ ἐν δικαστηρίῳ ἐσμέν, γέγραφα μαρτυρίαν τῷ Μισγόλᾳ ἀληθῆ μέν, οὐκ ἀπαίδευτον δέ, ὥς γ’ [Note] ἐμαυτὸν πείθω. αὐτὸ μὲν γὰρ τοὔνομα τοῦ ἔργου ἔπραττε πρὸς τοῦτον, οὐκ ἐγγράφω, οὐδ’ ἄλλο γέγραφα οὐδὲν ἐπιζήμιόν ἐστιν ἐκ τῶν νόμων τῷ τἀληθῆ μαρτυρήσαντι· δέ ἐστιν ὑμῖν τε ἀκοῦσαι γνώριμα, ἀκίνδυνά τε [Note] τῷ μαρτυροῦντι καὶ μὴ αἰσχρά, ταῦτα γέγραφα.

1.46

ἐὰν μὲν οὖν ἐθελήσῃ Μισγόλας δεῦρο παρελθὼν τἀληθῆ μαρτυρεῖν, τὰ δίκαια ποιήσει· ἐὰν δὲ προαιρῆται ἐκκλητευθῆναι μᾶλλον τἀληθῆ μαρτυρεῖν, ὑμεῖς τὸ ὅλον πρᾶγμα συνίδετε. εἰ γὰρ μὲν πράξας αἰσχυνεῖται καὶ προαιρήσεται χιλίας μᾶλλον δραχμὰς ἀποτεῖσαι τῷ δημοσίῳ, ὥστε μὴ δεῖξαι τὸ πρόσωπον τὸ ἑαυτοῦ ὑμῖν, δὲ πεπονθὼς δημηγορήσει, σοφὸς νομοθέτης τοὺς οὕτω βδελυροὺς ἐξείργων ἀπὸ τοῦ βήματος.



Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.42 Aeschin. 1.45 (English) >>Aeschin. 1.48

Powered by PhiloLogic