Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.32 Aeschin. 1.35 (English) >>Aeschin. 1.39

1.34

ἔστι δ’ οὐδὲν ὄφελος, ἄνδρες Ἀθηναῖοι, ζητεῖν τοὺς τοιούτους ἀνθρώπους ἀπελαύνειν ἀπὸ τοῦ βήματος ταῖς κραυγαῖς· οὐ γὰρ αἰσχύνονται· ἀλλὰ τιμωρίαις τούτους ἀπεθίζειν χρή· μόνως γὰρ ἂν οὕτως ἀνεκτοὶ γένοιντο.

ἀναγνώσεται οὖν ὑμῖν τοὺς νόμους τοὺς περὶ τῆς εὐκοσμίας κειμένους τῶν ῥητόρων. τὸν γὰρ περὶ τῆς προεδρίας τῶν φυλῶν νόμον Τίμαρχος οὑτοσὶ καὶ ἕτεροι τοιοῦτοι ῥήτορες συνελθόντες γεγραμμένοι εἰσὶ μὴ ἐπιτήδειον εἶναι, ἔν’ ἐξῇ αὐτοῖς καὶ ζῆν καὶ λέγειν ὡς αὐτοὶ βούλονται.

1.35

Νόμοι

Τῶν ῥητόρων ἐάν τις λέγῃ ἐν τῇ [Note] βουλῇ ἐν τῷ δήμῳ μὴ [Note] περὶ τοῦ εἰσφερομένου, μὴ χωρὶς περὶ ἑκάστου, δὶς περὶ τοῦ αὐτοῦ αὐτὸς τῆς αὐτῆς, λοιδορῆται, κακῶς ἀγορεύῃ τινά, ὑποκρούῃ, χρηματιζόντων μεταξὺ ἀνεστηκὼς λέγῃ περί του μὴ ἐπὶ τοῦ βήματος, παρακελεύηται, ἕλκῃ τὸν ἐπιστάτην, ἀφειμένης τῆς ἐκκλησίας τῆς βουλῆς κυριευέτωσαν οἱ πρόεδροι μέχρι πεντήκοντα δραχμῶν καθ’ ἕκαστον ἀδίκημα ἐγγράφειν [Note] τοῖς πράκτορσιν. ἐὰν δὲ πλέονος ἄξιος ζημίας, ἐπιβαλόντες μέχρι πεντήκοντα δραχμῶν εἰσφερέτωσαν εἰς τὴν βουλὴν εἰς τὴν πρώτην ἐκκλησίαν. [Note] ὅταν δ’ ἐξίωσιν αἱ [Note] κλήσεις, κρινάτωσαν. καὶ ἐὰν καταγνωσθῇ αὐτοῦ κρύβδην ψηφιζομένων, ἐγγραψάτωσαν οἱ πρόεδροι τοῖς πράκτορσιν.

1.36

τῶν μὲν οὖν νόμων ἀκηκόατε, ἄνδρες Ἀθηναῖοι, καὶ εὖ οἶδ’ ὅτι δοκοῦσιν ὑμῖν καλῶς ἔχειν. τούτους μέντοι τοὺς νόμους εἶναι χρησίμους ἀχρήστους ἐφ’ ὑμῖν ἐστιν· ἐὰν μὲν γὰρ κολάζητε τοὺς ἀδικοῦντας, ἔσονται ὑμῖν οἱ νόμοι καλοὶ καὶ κύριοι, ἐὰν δ’ ἀφιῆτε, καλοὶ μέν, κύριοι δὲ οὐκέτι.



Aeschines, Speeches (XML Header) [genre: prose; rhetoric] [word count] [Aeschin.].
<<Aeschin. 1.32 Aeschin. 1.35 (English) >>Aeschin. 1.39

Powered by PhiloLogic