Aeschylus, Prometheus Bound (XML Header) [genre: poetry; drama; tragedy; suspect] [word count] [Aesch. PV].
<<Aesch. PV 36 Aesch. PV 61 (English) >>Aesch. PV 88

61 Κράτος καὶ τήνδε νῦν πόρπασον ἀσφαλῶς, ἵνα
μάθῃ σοφιστὴς ὢν Διὸς νωθέστερος.
Ἥφαιστος πλὴν τοῦδ’ ἂν οὐδεὶς ἐνδίκως μέμψαιτό μοι.
Κράτος ἀδαμαντίνου νῦν σφηνὸς αὐθάδη γνάθον
65στέρνων διαμπὰξ πασσάλευ’ ἐρρωμένως.
Ἥφαιστος αἰαῖ, Προμηθεῦ, σῶν ὑπερστένω πόνων.
Κράτος σὺ δ’ αὖ κατοκνεῖς τῶν Διός τ’ ἐχθρῶν ὕπερ
στένεις; ὅπως μὴ σαυτὸν οἰκτιεῖς ποτε.
Ἥφαιστος ὁρᾷς θέαμα δυσθέατον ὄμμασιν.
Κράτος
70ὁρῶ κυροῦντα τόνδε τῶν ἐπαξίων.
ἀλλ’ ἀμφὶ πλευραῖς μασχαλιστῆρας βάλε.
Ἥφαιστος δρᾶν ταῦτ’ ἀνάγκη, μηδὲν ἐγκέλευ’ ἄγαν.
Κράτος μὴν κελεύσω κἀπιθωύξω γε πρός.
χώρει κάτω, σκέλη δὲ κίρκωσον βίᾳ.
Ἥφαιστος
75καὶ δὴ πέπρακται τοὔργον οὐ μακρῷ πόνῳ.
Κράτος ἐρρωμένως νῦν θεῖνε διατόρους πέδας·
ὡς οὑπιτιμητής γε τῶν ἔργων βαρύς.
Ἥφαιστος ὅμοια μορφῇ γλῶσσά σου γηρύεται.
Κράτος σὺ μαλθακίζου, τὴν δ’ ἐμὴν αὐθαδίαν
80ὀργῆς τε τραχύτητα μὴ ’πίπλησσέ μοι.
Ἥφαιστος στείχωμεν, ὡς κώλοισιν ἀμφίβληστρ’ ἔχει.
Κράτος ἐνταῦθα νῦν ὕβριζε καὶ θεῶν γέρα
συλῶν ἐφημέροισι προστίθει. τί σοι
οἷοί τε θνητοὶ τῶνδ’ ἀπαντλῆσαι πόνων;
85ψευδωνύμως σε δαίμονες Προμηθέα
καλοῦσιν· αὐτὸν γάρ σε δεῖ προμηθέως,
ὅτῳ τρόπῳ τῆσδ’ ἐκκυλισθήσῃ τέχνης.


Aeschylus, Prometheus Bound (XML Header) [genre: poetry; drama; tragedy; suspect] [word count] [Aesch. PV].
<<Aesch. PV 36 Aesch. PV 61 (English) >>Aesch. PV 88

Powered by PhiloLogic