Aeschylus, Libation Bearers (XML Header) [genre: poetry; drama; tragedy] [word count] [Aesch. Cho.].
<<Aesch. Cho. 164 Aesch. Cho. 195 (English) >>Aesch. Cho. 225

φεῦ.
195εἴθ’ εἶχε φωνὴν εὔφρον’ ἀγγέλου δίκην,
ὅπως δίφροντις οὖσα μὴ ’κινυσσόμην,
ἀλλ’ εὖ ’σαφήνει τόνδ’ ἀποπτύσαι πλόκον,
εἴπερ γ’ ἀπ’ ἐχθροῦ κρατὸς ἦν τετμημένος,
ξυγγενὴς ὢν εἶχε συμπενθεῖν ἐμοὶ
200ἄγαλμα τύμβου τοῦδε καὶ τιμὴν πατρός.

ἀλλ’ εἰδότας μὲν τοὺς θεοὺς καλούμεθα,
οἵοισιν ἐν χειμῶσι ναυτίλων δίκην
στροβούμεθ’· εἰ δὲ χρὴ τυχεῖν σωτηρίας,
σμικροῦ γένοιτ’ ἂν σπέρματος μέγας πυθμήν.
205

καὶ μὴν στίβοι γε, δεύτερον τεκμήριον,
ποδῶν ὅμοιοι τοῖς τ’ ἐμοῖσιν ἐμφερεῖς
καὶ γὰρ δύ’ ἐστὸν τώδε περιγραφὰ ποδοῖν,
αὐτοῦ τ’ ἐκείνου καὶ συνεμπόρου τινός.
πτέρναι τενόντων θ’ ὑπογραφαὶ μετρούμεναι
210εἰς ταὐτὸ συμβαίνουσι τοῖς ἐμοῖς στίβοις.
πάρεστι δ’ ὠδὶς καὶ φρενῶν καταφθορά.
Ὀρέστης εὔχου τὰ λοιπά, τοῖς θεοῖς τελεσφόρους
εὐχὰς ἐπαγγέλλουσα, τυγχάνειν καλῶς.
Ἠλέκτρα ἐπεὶ τί νῦν ἕκατι δαιμόνων κυρῶ;
Ὀρέστης
215εἰς ὄψιν ἥκεις ὧνπερ ἐξηύχου πάλαι.
Ἠλέκτρα καὶ τίνα σύνοισθά μοι καλουμένῃ βροτῶν;
Ὀρέστης σύνοιδ’ Ὀρέστην πολλά σ’ ἐκπαγλουμένην.
Ἠλέκτρα καὶ πρὸς τί δῆτα τυγχάνω κατευγμάτων;
Ὀρέστης ὅδ’ εἰμί· μὴ μάτευ’ ἐμοῦ μᾶλλον φίλον.
Ἠλέκτρα
220ἀλλ’ δόλον τιν’, ξέν’, ἀμφί μοι πλέκεις;
Ὀρέστης αὐτὸς καθ’ αὑτοῦ τἄρα μηχανορραφῶ.
Ἠλέκτρα ἀλλ’ ἐν κακοῖσι τοῖς ἐμοῖς γελᾶν θέλεις.
Ὀρέστης κἀν τοῖς ἐμοῖς ἄρ’, εἴπερ ἔν γε τοῖσι σοῖς
Ἠλέκτρα ὡς ὄντ’ Ὀρέστην τάδε σ’ ἐγὼ προσεννέπω;



Aeschylus, Libation Bearers (XML Header) [genre: poetry; drama; tragedy] [word count] [Aesch. Cho.].
<<Aesch. Cho. 164 Aesch. Cho. 195 (English) >>Aesch. Cho. 225

Powered by PhiloLogic